البيم بقي خطر علي المهندسين الفريش لو سيبت اساسيات تخصصك
لو انت واخده عشان تهرب من تكنكال تخصصك
اوعي البيم ينسيك انك مهندس..
١- انت اولا و اخيرا مهندس فمش معني انك حابب تدخل مجال البيم فانت بتنسي ال ٥ سنين هندسه و بتتحول تكون رسام مش مهندس
٢- حضرتك مهندس و بتتعلم استخدام البرامج الجديده لتفيدك في مجالك التخصصي او حتي مودلينج باستخدام برامج البيم و لو مستخدمتش التكنكال بتاعك في المودلينج هتكون قلبت رسام.
٣- لازم يكون عندك اساس تخصصك عشان تكون شاطر في مجالك لان ببساطه لو انت مجرد مستخدم شاطر للبرامج هيجي اليوم اللي يتعمل برنامج يلغي جزء من شغلك لكن محدش هيلغي الحس الهندسي و لا اساسيات الهندسه فاي شئ.
٤- محدش يضحك عليك و يقولك هتكون بيم كوردينتورز بعد اي دوره لان عشان تكون كده لازم يكون عدي عليك بدل المشروع ٥ او ٦ و شوفت و فهمت و اتعاملت مع كل التخصصات مش تخصصك بس و عرفت مراحل المشروع كاملها و خطوات التفكير و قابلت مشاكل كتير و عرفت تتعامل معها.
٥- اكتر شئ محزن لقيت ناس كاتبه انها اتخرجت من تدريب بقي بيم مانجر... اللقب ده انا لسا ما اخدته ولا هاخده الا بعد شغل ١٠ سنين شغل BIM ، حضرتك لما تكون متعرفش اصلا المشروع مراحله كامله ايه و لا عقود و لا شغل و لا خبره و لا تفكير و لا و لا و لا و جاي تقول انا اتخرجت بيم منجر بعد شهرين بدرس محاضرات اون لاين او اوف لاين.
٦- متستعجلوش النجاح .... اجتهد و اتعب و اتعلم و الفلوس هتيجي هتيجي ده رزق محدش هياخده منك أنا شخصيا قابلت كذا شخصيه في طريقي.. منهم اللي متعلمتش منهم حاجة أصلاً ومنهم إلىى إتعلمت منهم أساسيات الهندسة ومنهم اللى اتعلمت منهم اساسيات التعامل فى الشغل ... إلا شخص واحد بس بدون ذكر اسمه اتعلمت منه كل حاجة حرفياً قالي بالنص اصبر وهتلاقي بعدين مع ان الراتب اللى جالى منه وقتها اقل من اللي بياخده صبي ورشة في مصر بس فعلا انا اتعلمت و دخلني المجال بقوة كمان . و صبرت حوالى سنة براتب مش راتب اصلا بعد ضغط عصبي ونفسي رهيب يشيب شعر راس اي حد ، ولكن بعدها بحوالي سنة بقيت في level تانى خالص .... قدم السبت الناس هتقدرك و مش هتبخس حقك ..... لدرجة اني وصلت وقابلت ناس عاوزه تشتغل معايا بدون مقابل ولكن المقابل الوحيد انها تتعلم فقط.
الخلاصة :
- مفيش اي حاجه اسمها مهندس BIM للأسف السوق المصري بيألف مسميات وظايف غريبه .. ال BIM دي مجموعة أدوات فقط لإخراج الشغل !
تحياتي للجميع ....